Қымбатты ұстаздар, ата-аналар және оқушылар!
Арайлы жаздың үш айын мазмұнды да, мәнді өткізіп, сағынышпен алтын ұя мектебімізге оралып отырған оқушыларды құттықтаймыз!
Адам өміріндегі сарқылмас қазына-ол білім. Адам баласы барлық арман, мақсаттарына тек білім арқылы ғана жете алады. Бүгін барлық білім беру мекемелері есіктерін айқара ашып, білім нәрімен сусындауға келген Отанымыздың жастарын, бүлдіршіндерін құшақ жая қарсы алуда.
Бүгінгі оқушы- білім бәсекесіне төтеп бере алатын, санасы ашық, халқымыздың рухани-адамгершілік құндылықтарын бойына сіңірген, үштілді еркін меңгерген тұлға болуы керек.
Бүгінгі ерекше, жайма шуақ күні барлық ұстаздар қауымын, оқушылар және бүлдіршіндерді жаңа оқу жылымен шын жүректен құттықтаймыз! Сіздерге мықты денсаулық, жаңа жасалым, жаңа жетістіктер, шығармашылық табыстар және жаңа бастамаларда тек қана сәттілік тілейміз!
2023 жылдың 1 қыркүйек күні Әлихан Бөкейхан атындағы №25 жалпы білім беретін орта мектепте 1-11 сынып оқушыларының қатысуымен 1 қыркүйек- Білім күніне арналған "Мектебім- мейірім мекені" атты салтанатты жиын өтті. Жиынға "Аманат" партиясы филиалының жауапты хатшысы- Асанов Женис Мухтарұлы қатысты. Жиын барысында 1 сынып оқушылары және мектеп оқушылары концерттік бағдарлама көрсетті. #білімкүніқұттыболсын🔔🔔🔔🎊🎊
