“Сказка на новый лад” атты театрландырылған сайыс өтті.

Тілдер онкүндігі аясында мектебімізде 6–7 сынып оқушылары арасында “Сказка на новый лад” атты театрландырылған сайыс өтті.
Оқушылар сүйікті орыс халық ертегілерін заманауи үлгіде сахналап, әзіл қосып, жарқын костюмдермен және креативті идеяларымен көрермендерді қуантты. Әр қойылым нағыз шағын спектакльге айналып, таныс кейіпкерлермен қатар бүгінгі күнге жақын жаңа бейнелер де орын алды.
Қазылар алқасы қатысушылардың шығармашылық ізденісін, топпен жұмыс істеу шеберлігін және актерлік қабілеттерін атап өтті. Көрермендер қызығушылықпен тамашалап, қол соғып қолдау көрсетті.
Мұндай сайыстар оқушылардың таланттарын ашуға, әдебиетке және сахна өнеріне деген сүйіспеншілігін арттыруға ықпал етеді.
✨ Барлық қатысушылар мен ұстаздарға дайындық пен сыйлаған эмоциялары үшін алғыс білдіреміз!