7 мамыр – Отан қорғаушылар күніне орай мектебімізде 10-сыныптар арасында «Ер есімі – ел есінде» тақырыбында эссе байқауы өтті. Байқаудың мақсаты – оқушылардың бойында патриоттық сезімді ояту, батырларымыздың ерлік істерін дәріптеу және олардың ерліктерін жас ұрпақтың санасына сіңіру.
Оқушылар өз шығармаларында Ұлы Отан соғысы мен Тәуелсіз Қазақстанның тыныштығын күзеткен жауынгерлердің ерліктерін ерекше тебіреніспен жазды. Кейбір эсселерде отбасындағы ардагер аталар мен қазіргі таңда әскери борышын өтеп жүрген ағалар туралы әсерлі естеліктер баяндалды. Бұл шығармалар оқушылардың өз тарихына, елінің тыныштығы үшін күрескен жандарға деген құрметінің жоғары екенін көрсетті.
Байқау қорытындысы бойынша үздік деп танылған оқушылар мадақтамалармен марапатталды. Мұндай шаралар оқушылардың Отанға деген сүйіспеншілігін арттырып, азаматтық жауапкершілікті ұғынуына зор ықпал етеді.
https://www.instagram.com/p/DJUIfQhNQkT/?img_index=1
