8 мамыр күні жоспарға сәйкес мектебіміздің 7–11-сынып оқушыларына арналған оқу жылының қорытындысы бойынша ұлдар мен қыздар жиналысы өткізілді. Жиналысқа арнайы дәрігер мамандар мен мектеп инспекторлары қатысты.
Іс-шараның басты мақсаты – оқушыларға денсаулықты сақтау, зиянды әрекеттерден аулақ болу, қауіпсіздік шараларын ұстану және жазғы демалыс кезінде өзін-өзі қорғауға бағытталған кешенді түсіндіру жұмыстарын жүргізу болды. Жиналыс барысында келесі маңызды мәселелер қарастырылды:
1. Туберкулез, АҚТҚ инфекциясы және ЖҚТБ-ның алдын алу мен емдеу
Дәрігер мамандар жұқпалы аурулардың таралу жолдары, олардан сақтану әдістері мен емдеу шаралары туралы баяндады. Оқушыларға жеке бас гигиенасы, дұрыс тамақтану және спортпен айналысу арқылы иммунитетті нығайтудың маңыздылығы түсіндірілді.
2. Зиянды заттардың алдын алу
Темекі, электронды шылым, есірткі заттары мен алкоголь өнімдерінің зияны туралы нақты мәліметтер беріліп, олардың денсаулыққа, оқуға және болашақ өмірге кері әсері кеңінен талқыланды. Салауатты өмір салтының артықшылықтары туралы айтылды.
3. Суицидтің алдын алу
Кейінгі жылдары жасөспірімдер арасында жиілеп кеткен суицид жағдайларының алдын алу мақсатында психологиялық тұрақтылық, эмоционалды қолдау және көмек сұраудың маңыздылығы айтылды. Оқушыларға қиын жағдайларда жалғыз қалмау, ата-аналар мен мұғалімдермен ашық сөйлесудің қажеттілігі түсіндірілді. Мектеп психологы сенім телефондары мен қолжетімді көмек көздері туралы ақпарат ұсынды.
4. Жалпы қауіпсіздік шаралары
Құқық бұзушылық, түнгі уақытта сыртта жалғыз жүрмеу, буллингпен күресу, жолда жүру ережелері және судағы қауіпсіздік туралы ескертулер жасалды. Сонымен қатар, велосипед пен самокат айдауда қауіпсіздік ережелерін сақтау қажеттілігі де ескерілді. Оқушыларға қорғаныс құралдарын (шлем, тізе мен шынтақ жапқыштары) пайдалану, жол қозғалысы ережелерін бұзбау, қоғамдық орындарда абай болу туралы нақты нұсқаулықтар берілді.
5. Жазғы демалыс кезіндегі қауіпсіздік шаралары
Жаз мезгілінде оқушылардың бос уақытын тиімді әрі қауіпсіз өткізуі үшін арнайы нұсқаулар берілді. Атап айтқанда:
Су айдындарында жүзу кезінде сақтық таныту;
Орман, тау және басқа табиғи аймақтарда жүріс-тұрыс ережелерін сақтау;
https://www.instagram.com/25orta_mektep.edu.kz/
