👩🏻🏫👨🏫«Дарынды балаларға – талантты ұстаз» республикалық педагогикалық олимпиадасының қорытындысы
🖥️14-16 наурыз аралығында Алматы қаласының Шоқан Уәлиханов атындағы жеке мектеп базасында «Дарынды балаларға – талантты ұстаз» республикалық педагогикалық олимпиадасы өтті. Байқауға жұмыс өтілі 5 жылдан аспаған, 160-тан астам өңірлік кезеңдердің жеңімпаздар педагогтері қатысты.
📈 Іс-шараның негізгі мақсаты – жас педагогтердің шығармашылық әлеуетін арттыру, олардың өзін-өзі дамытуына жағдай жасау және білім беру жүйесін жетілдіруге мұғалімдердің кәсіби көзқарасын қалыптастыру.
📗Конкурс барысында қатысушылар педагогикалық зерттеу қызметі, кәсіби білімдері мен жеке қабілеттерін көрсетуге арналған тапсырмаларды орындады. Олимпиада – жас мұғалімдерге жаңа идеялар мен әдістемелерді талқылауға, өз тәжірибелерін байытуға және жаңа кәсіби байланыстар орнату алаңы болды.
🏆Олимпиадаға қатысушылардың жұмысын жоғары оқу орындарының оқытушылары, тәжірибелі мектеп басшылары мен педагогтерден құрылған қазылар алқасы бағалады. Нәтижесінде, жеңімпаздар мен жүлдегерлерге «Дарын» РҒПО-ның дипломдары мен грамоталарымен марапатталды. Аталмыш олимпиадаға мектебіміздің жас маманы физика, математика пәні мұғалімі Рамазанова Самал Ерболатовна қатысып, қалалық, облыстық кезеңдерде жүлдегер атанып, республикалық кезеңде қол жеткізген ерекше жетістіктері үшін грамота иегері атанды. Жас маманымызды шын жүректен құттықтай отыра, алдағы уақытта да толағай табыстар тілейміз!
