Бүгінгі күн ерекше, өйткені бұл күні адамдар ескі әдеттерден арылып, жаңа кезеңге қадам басады. Дәстүр бойынша, ағаш пен гүл егіліп, үй тазаланады, ой ретке келтіріледі. Осылайша жаңару мен жаңашылдыққа жол ашылады.
"Жаңару күні" табиғаттың қайта оянуы, өмірдің жаңаруы мен жаңа бастамаларға қадам басудың символы. Осы күні 5 сынып оқушылары Наурыз мерекесіне орай табиғатты қорғау мақсатында гүл отырғызды. Бұл іс-шара балаларға табиғатты сүюге, оған деген жауапкершілік пен қамқорлықты арттыруға үлкен мүмкіндік береді.
Оқушылар табиғатқа деген сүйіспеншілігін көрсетіп, гүлдер отырғызу арқылы көктемнің келуін атап өтті. Олар әрбір гүлді үлкен жауапкершілікпен отырғызып, табиғатқа деген сүйіспеншілігін білдірді. Бұл іс-шара балалардың табиғатты қорғауға, оның әсемдігін сақтауға деген көзқарастарын кеңейтеді.
Оқушыларға алғысымызды білдіре отырып, гүлдеріңіздің жайқалып өсіп, өміріңізде тек қуаныш пен жаңалықтар болсын деп тілейміз!
https://www.instagram.com/p/DHY1qDctrXM/
