2025 жылдың 15 наурызында мектепте 2-сынып оқушыларының ұйымдастыруымен Қайырымдылық күніне арналған «Жылы жүректен» атты қайырымдылық жәрменкесі өтті. Іс-шараның басты мақсаты – ауыр науқастанған балалардың еміне көмек көрсету болып табылады. Осы мақсатта жәрменкеде жиналған қаражат толығымен науқас балалардың емделуіне жіберіледі.
Жәрменкенің ерекшелігі – онда тек қолдан дайындалған тағамдар сатылды. Оқушылар мен олардың ата-аналары үй жағдайында пісірген тәттілер, пирогтар, бәліштер мен басқа да дәмді тағамдар жәрмеңкеге қойылды. Әрбір тағамның сапасы мен дәмі жоғары болды, ал сатып алушылар тағамдардан ләззат ала отырып, өздерінің қаржылай үлестерін науқас балаларға көмек ретінде ұсынды.
Іс-шараға мектеп оқушылары ғана емес, сонымен қатар олардың ата-аналары мен мұғалімдер де белсенді қатысты. Бұл қайырымдылық жәрменкесі оқушыларды мейірімділік пен адамгершілікке тәрбиелеудің маңызды жолы болды. Әрбір тағамның артында үлкен жүрекпен жасалған еңбек пен мейірімділік жатты. Оқушылар өздерінің сүйікті тағамдарын дайындап, оны жәрменкеге сатуға ұсынды, бұл олардың шығармашылық қабілеттерін көрсетуге, сондай-ақ қайырымдылық жасауға деген ынтасын арттырды.
#nauryznama2025
https://www.instagram.com/p/DHNgBiHNnWV/
