Мектебімізде наурыздың 5-ші жұлдызында қазақ ұлтының көрнекті қайраткері, Алаш қозғалысының басшысы Әлихан Бөкейханның 159 жылдығына орай бірқатар іс-шаралар өтті.
Оқу күні "Алаш аманаты – ұрпаққа ұлағат" танымдық сұрақтар айдарымен қайраткердің өмірі жайлы оқушылардың білімдерін шыңдау арқылы қарсы алынды. Алаш қозғалысының жетекшісі Әлихан Бөкейханның 159 жылдық туған күніне арналған саптық түзеуде ұлт көсемінің өмірі мен еңбегін еске алып,өшпес мұрасы дәріптелді. Жиында алғашқы құттықтау сөзін мектебіміздің директоры Тұрсынова Сәуле Нұрғалиқызы Әлихан Бөкейхан – қазақтың дербес мемлекетін армандаған, бар ғұмырын туған халқының бостандығы мен теңдігі жолындағы күреске арнап сол үшін жанын қиған тұлға екенін еске салды. "Хандықтан Алашқа дейін" атты кездесуде 6-сынып оқушылары тарихшылармен пікір алмасты. "Алаш жастары" спорттық іс-шарасында 9-сынып оқушылары күш сынасып қана қоимай, ұлт көсемі жайлы білімдерінде шыңдады."Тірі болсам, қазаққа қызмет қылмай қоймаймын…" атты 7-11 сыныптарға деректі фильм көрсетіліп, оқушыларға Әлихан Бөкейханның қайраткерлік жолы тереңірек таныстырылды. TEDx форматындағы "Алаш идеясы және қазіргі Қазақстан" шарасында 10-11 сынып оқушылары бүгінгі заман тұрғысынан Әлихан Бөкейхан идеяларын талқылады . 10-сыныптар арасында «Әлиханның жолымен...» эссе байқауы өтті. Ұйымдастырылған іс-шараларда белсене қатысқан оқушылар алғыс хаттармен марапатталды. Біз үшін бұл күн тек тарихи дата ғана емес, ұлттық рух пен тәуелсіздік жолындағы күрестің символы!
#әлиханбөкейхан #әлиханбөкейханмектебі
https://www.instagram.com/p/DG2nxJHzIB_/
