Кибербуллинг және әкімшілік жауапкершілік" мектепішілік ата-аналар жиналысы.
2025 жылдың 11 ақпанында мектебімізде кезектен тыс "Кибербуллинг. Әкімшілік жауапкершілік" тақырыбында мектепішілік ата-аналар жиналысы өтті. Жиналыстың негізгі мақсаты – ата-аналарды интернеттегі қауіп-қатерлерден хабардар ету және балалардың онлайн кеңістіктегі қауіпсіздігін қамтамасыз ету жолдарын талқылау болды.
Күн тәртібі бойынша алғашқы сөзді мектеп психологы Г.Б.Кабошева алып, "Кибербуллинг" ұғымына анықтама берді. Ол интернеттегі қорқыту, кемсіту, қорлау әрекеттерінің жасөспірімдердің психологиялық жағдайына қалай әсер ететінін түсіндірді. Сонымен қатар, ата-аналарға кибербуллингтің алдын алу шаралары мен арнайы ұсыныстарын ұсынды. Оның айтуынша, ата-аналар балаларымен ашық қарым-қатынаста болып, олардың интернеттегі әрекеттеріне көңіл бөлгені маңызды.
Жиналыстың екінші бөлімінде "Әкімшілік жауапкершілік" тақырыбында кәмелет жасқа толмағандар ісі бойынша инспектор Мақанова Ұ.Б. сөз сөйледі. Ол ата-аналарға кибербуллингке қатысты заңнамалық нормалар мен құқықтық жауапкершілік туралы мәлімет берді. Инспектор кәмелетке толмаған балалардың интернеттегі әрекеттері үшін де заң алдында жауапкершілік қарастырылғанын атап өтті.
Жиналыс барысында ата-аналар өздерін қызықтырған сұрақтарын қойып, мамандардан қажетті кеңестер алды. Жиын кері байланыс арқылы қорытындыланып, ата-аналар балаларының интернет кеңістігінде қауіпсіздігін қамтамасыз ету үшін мектеппен бірлесе жұмыс жасау қажеттігін қолдады.
Бұл жиналыс ата-аналар мен мектеп арасындағы тығыз қарым-қатынасты нығайтып, киберқауіпсіздік туралы білімдерін арттыруға ықпал етті.
