«Smart Kids Club» үйірмесіндегі шеберлік сағаты
2025 жылдың 12 ақпанында мектебімізде «Smart Kids Club» үйірмесінің ұйымдастыруымен 3-сынып оқушыларына арналған «Reading Games: Engaging in reading games to reinforce learning» тақырыбында шеберлік сағаты өтті.
Шараның басты мақсаты – оқушылардың ағылшын тіліндегі оқу дағдыларын дамыту, оқуға деген қызығушылықтарын арттыру және ойын арқылы білімді бекіту. Шеберлік сағатында түрлі интерактивті әдістер, қызықты ойындар мен топтық тапсырмалар қолданылды.
Оқушылар оқылған мәтін бойынша сұрақтарға жауап беріп, өз ойларын еркін жеткізуді үйренді. Шеберлік сағаты баланың тілдік қорын байытып, оқуға деген сүйіспеншілігін қалыптастыруға ықпал етеді.
Шеберлік сағатының соңында оқушылар өз әсерлерімен бөлісіп, оқу ойындары арқылы жаңа білім алудың қаншалықты қызықты екенін атап өтті. Үйірме жетекшісі Рахия Жарқынқызы мұндай тәжірибелік сабақтардың оқушылардың танымдық белсенділігін арттыруда маңызды рөл атқаратынын айтты.
«Smart Kids Club» үйірмесі алдағы уақытта да осындай қызықты шараларды ұйымдастыруды жоспарлап отыр.
