Құтты болсын туған күнің,мерекең!-деп мектебіміздің 5 жылдық мерейтойының қарсаңында 2024жылдың 14 қыркүйегінде облыстық "Тоғызқұмалақ" турнирі және де мектеп-оқушы-ата-ана арасындағы ынтымақтастықты нығайту мақсатында ұстаздар мен оқушылар, ата-аналар, с

Өмір бойы мектебімді жыр етем,
Бір өзіңде бақыт, білім, берекем.
Шәкірттерің өрістесін, өрлесін,
Құтты болсын туған күнің,мерекең!-деп мектебіміздің 5 жылдық мерейтойының қарсаңында 2024жылдың 14 қыркүйегінде облыстық "Тоғызқұмалақ" турнирі және де мектеп-оқушы-ата-ана арасындағы ынтымақтастықты нығайту мақсатында ұстаздар мен оқушылар, ата-аналар, сонымен қатар Петропавл қаласы ұстаздары арасындағы қалалық волейбол ойындары өткізілді. Облыстық "Тоғызқұмалақ" турниріне Аққайың ауданы,Айыртау ауданы, Ақжар ауданы, Қызылжар ауданы, Шал ақын ауданы, Назарбаев Зияткерлік мектебі,Петропавл қаласы және Әлихан Бөкейхан атындағы №25 жалпы білім беретін орта мектеп командалары, қалалық волейбол ойынына «Әл-Фараби атындағы мектеп-лицейі құрама командасы,Әлихан Бөкейхан атындағы №25 жалпы білім беретін орта мектебінің ата-аналарынан құралған құрама командасы, Абай атындағы мамандандырылған қазақ мектеп гимназиясы, Әлихан Бөкейхан атындағы №25 жалпы білім беретін орта мектебінің қыздар құрама командасы, Қожаберген жырау атындағы №6 мектеп құрама командасы, Әлихан Бөкейхан атындағы №25 жалпы білім беретін орта мектебінің ұлдар құрама командасы, Әлихан Бөкейхан атындағы №25 жалпы білім беретін орта мектебінің ұстаздарынан құралған құрама командалары қатысты. Жарыс шымылдығын мектебіміздің директоры Турсынова Сауле Нұрғалиқызы құттықтау сөзімен ашты. Жиынға Солтүстік Қазақстан облысы Тоғызқұмалақ федерациясының Президенті Омаров Жомарт Жақсылықұлы, Қалалық Білім бөлімі әкімдігінің спорт әдіскері Айсина Нургуль Бауржанқызы және Солтүстік Қазақстан облысының аға жаттықтырушысы Утенов Мейрамбек Асқарұлы қонақтарға сәттілік тілеп,құттықтау сөздерімен жалғасты.
#біртұтас_тәрбие