Бүгінгі күні мектепке дейінгі білім беру ұйымдары мен бастауыш мектептері арасындағы сабақтастық бойынша бірыңғай ашық есік күні ұйымдастырылды. Соған орай мектебіміздің бастауыш сынып мұғалімдері де өз үлестерін қосты. 1-сынып ұстаздары Жангудина Раушан Файзуллиновна «Әліппе» сабағынан, ал Жусупова Асемгул Тугаевна «Математика» пәні бойынша ашық сабақ өткізді. Осы іс-шараға 26 шағын мектеп балабақша тәрбиешілері мен әдіскерлері келді. Ондағы мақсатымыз мектепке дейінгі білім беру ұйымы мен бастауыш буындағы 1-сынып оқушыларының арасындағы білім берудегі сабақтастық мәселесі мен тәжірибе алмасу мақсатында ұйымдастырылған шара болатын. 1-сынып оқушыларының сөйлеу тілдері, ортада өздерін ұстаулары, ойларын еркін жеткізе алу дағдыларын қарау. Алдағы уақытта бастауыш мектеп пен мектепке дейінгі білім беру ұйымының сабақтастығын нығайтуда тәрбиелеу мен оқыту үдерісіндегі әр жас кезеңінің маңыздылығына, мектептегі оқыту жүйесінің ерекшеліктерін ескере отырып, осындай тәжірибе алмасу жалғасын таппақ. Келген қонақтарымыз өздерінің ризашылықтарымен бөлісіп, шәкірттерімізге толағай табыстар тіледі.
https://www.instagram.com/p/DAa0fUMCrnT/
