«Менің Отаныма – менің бастамам» республикалық шығармашылық жобалар байқауының нәтижесі
Ағымдағы жылдың 18-19 қыркүйегінде «Менің Отаныма – менің бастамам» республикалық шығармашылық жобалар байқауының қалалық кезеңі ұйымдастырылған болатын.
Байқаудың мақсаты: дарынды балаларды анықтауға және қолдауға бағытталған балалар мен жастардың бастамаларын дамытуға ықпал ету.
Байқауға қатысушылар – жалпы орта және қосымша білім беру ұйымдарының 2023 жылғы 25 мамырында 13-17 жас аралығындағы білім алушылар.
Байқау 8 номинацияны қамтиды. Мектебімізден атылмыш байқаудың 4 номинациясы бойынша оқушыларымыз қатысып, жүлделі орындарды иеленіп, облыстық кезеңге де жолдама алды. Атап айтар болсақ, Тахметова Дамира «Менің отбасым: сабақтастық, құндылықтар мен мағыналар» номинациясы бойынша ІІ орын иегері, жетекшісі Магзумова Алмагүль Ерсиновна, Шорман Жасмин «Қазақстанның 100 жаңа есімі» номинациясы бойынша ІІІ орын иегері, жетекшісі Абдразахов Нурсеит Абдрашидович, Берік Гауһар «Жаңғырту полюсі» номинациясы бойынша ІІІ орын иегері, жетекшісі Башарова Жанар Саматовна.
Қалалық кезеңде «Менің отбасым: сабақтастық, құндылықтар мен мағыналар» номинациясы бойынша І орын болмағандықтан, Тахметова Дамира облыстық кезеңге жолдама алған болатын. Облыстық кезеңде өзінің жобасын қорғай отыра, қатысушылардан оза шауып, жүлделі І орын иегері атана білді.
Ағымдағы жылдың 12 қазанында барлығы 160 адамды қамтыған байқаудың республикалық кезеңі өтті.
Дамира республикалық кезеңде мектебіміздің ғана емес, өңіріміздің де намысын қорғап, еліміздің облыстары мен Астана, Алматы және Шымкент қалаларын қосқанда 20 қатысушымен бақ сынаған болатын. Республикалық кезеңнің нәтижесі 23 қарашада жарияланады. Барлық жеңімпаздарымызды, олардың жетекшілерін шын жүректен құттықтаймыз! Дамираға сәттілік тілейміз!
https://www.instagram.com/p/CyV_XSLt81A/?img_index=1
